పునరప్రవేశం

పునరప్రవేశం

ముందుగా నా పాత బ్లాగులు చదివి వారి అభిప్రాయాలు చెప్పిన అందరికి ధన్యవాదాలు

నేను మొదలు పొట్టి ఆపిన "స్వగతాలు " శీర్షికని తిరిగి రాయటానికి ప్రయత్నిస్తాను.

నేను చాలా కాలం తర్వాత తిరిగి బ్లాగ్ రాయటానికి ఒక కారణం వుంది.

జూన్ 29, శుక్రువారం మా ఇంటిలోకి ఒక మహాలక్ష్మి ప్రవేశించింది. మా అమ్మ చెబుతూ వుంటుంది, నా తర్వాత ఒక చెల్లి పుడుతూ చనిపోయింది తర్వాత మా ఇంటిలో కాని, మా పెద్దమ్మ వాళ్ళ ఇంటిలో కాని ఆడపిల్ల పుట్టలేదు. అప్పటినించి అమ్మ ఒక ఆడపిల్ల మన ఇంటిలో పెరిగితే బాగున్ను అనుకుంటూ వుండేది.

నేను తండ్రిని కాబోతున్నాను అని తెలిసాక అందరమూ  పుట్టేది పాప అయితే బాగుండూ అనుకున్నాం. అనుకున్నట్టు గానే పాప పుట్టింది. తనకి ఏదైనా కొత్త బహుమతి ఇద్దాం అని ఆలోచిస్తే తన గురించి ఎందుకు బ్లాగ్ రాయగూడదు అని ఆలోచన వచ్చింది.

ఇకనించి నేను రాయబోయే బ్లాగులు నా చిట్టి తల్లి "సరయు" గురించి, తన అల్లరి, ఆటలు, అన్ని విశేషాల గురించే. ఈ రోజుల్లో చాలామంది పిల్లలు తెలుగు మాట్లాడుతున్నారు గాని తెలుగు చదవలేక పోతున్నారు. నేను పాప కోసం ఒక పెద్ద బాలశిక్ష కొందాం అని ఎంత ప్రయత్నించిన దొరకలేదు, అందుకే కనీసం నేను రాసే "సరయు సంగంతులు" చదవటానికి అయినా నా పాప తెలుగు చదవటం నేర్చుకుంటుంది అని ఆశ